又到食芝士火鍋嘅季節，當然要把握時間食盡佢！
特級芝士火鍋（$278）
採用藍紋芝士 、金畢文芝士 、巴馬臣芝士、韓國直送水牛芝士，四款芝士融合而成，非常香濃，唔夠仲可以免費添加一次芝士。配料包括手工流心芝士年糕、紫薯年糕、美國豬仔骨、香腸、薯條、車厘茄及農夫包。
芝士年糕本身包咗芝士，再點芝士真係超濃郁，煙煙韌韌好好食。至於紫薯年糕，點咗芝士其實食唔出紫薯味，所以就當普通年糕咁食吧。
豬仔骨味道唔錯，但就有啲乾，所以要點多啲芝士。
另外仲叫咗個無骨蜜糖芥末炸雞（$188），畢竟本來專登黎食炸雞。無骨食落方便得多，肉質非常嫩滑多汁，唔會炸到好乾，外皮酥脆，蜜糖芥末醬香甜，超配！